عارف..

شعور انك تبقى في مكان في كمية ناس وزحمة وبتاع وتلاقي (حد) داخل يدور عليك انت شخصيا وعمال يخترق الناس ويسلم عليهم ويتجاوزهم في مجاملة سريعة علشان يوصل لك.. ويفضل بقى واقف جنبك طول الوقت..

عارف لما تبقى في لحظة بائسة ومش بتكلم حد وربنا عالم بحالك تلاقي في نفس اللحظة (حد) يقوم باعتلك رسالة : مالك ؟ طمني عنك؟ انا قلقان عليك..

عارف لما تكون قافل من الدنيا وترد عالتليفونات عادي تتكلم وتهرج ويتمصلحوا عليك شويه.. بس في (حد) معين اول ما يسمع صوتك يسألك مال صوتك؟ تقول له مفيش.. بعد نصايه تلاقي الباب بيخبط واول ما تفتح ياخدك حضن وهمي كده تحس كأنك كنت مسافر ورجعت..

عارف لما يكون عندك يوم مهم في حياتك وكل الناس مترقبه اليوم ده وبتعرض مساعدتها وانت عمال بتجهز ومحتاس ، بس في النص كده في (حد) متابع أدق التفاصيل ورايح جاي عليك بمكالمات ورسايل ومشاوير.. وبعدين قبلها بيوم وانت مزنوق ومش طايق تشوف حد أساسا تلاقيه واقف عالباب بتورتايه وورد وكارت وانا جاي اباركلك بدري ومتقلقش كل حاجه هتكون كويسة.. :)

عارف لما تبقى بتتكلم عادي وفي وسط الكلام تقول ان نفسك في أكلة معينة من مكان معين وتاني يوم تلاقي (حد) بيكلمك يقولك انا طالع اديك حاجه من عالباب.. :)

عارف لما تبقى مقصر في حق (حد) او غلطان حتى في حق ال (حد) ده ورايح مكان هو فيه ومكسوف عينك تقع في عينه وبعدين تلاقيه هو اللي بيجري عليك ويحضنك ويفرح بيك ويشيلك كده من عالأرض شيل..

عارف لما تبقى في (حد) مشفتوش في حياتك ولا متوقع انك تشوفه ابدا بس بتحبه بقى جدا جدا وسبحان الله يقدر ربنا تتقابلوا.. تلاقيه مشتاق لك وتلاقيك متعود عليه كأنكوا متربيين مع بعض..

عارف ال (حد) اللي بيفرح لفرحتك كأنه هو اللي حصلتله الحاجه اللي تفرح.. وبيتمنالك الخير قبل نفسه.. وبيزعل علشانك اكتر منك..

عارف ال (حد) اللي مهما طنشته بيسأل عنك ومهما عاملته بغتاته بيفضل يحبك.. واي وقت احتجتله بتلاقيه جنبك..

عارف..

إخواننا أحب إلينا من أنفسنا ♡

البهجة.. لوح أبيض.. وفرشاة خشبية.. ومجموعة أنابيب سحرية..
مشاعرك تختلط وتسيل ألوانا على الأوراق.. ترسم عقلك.. وتبوح للألواح ب سر قلبك.. تجمح بخيالك إلى أي مكان شئت.. تسافر عبر الأزمان.. عبر الشعور والخاطر.. تجود وتدقق في التفاصيل ؛ حتى لتكاد أن تشم رائحة العشب ، وتذوق من عنقود العنب ، وربما أتيت بمنديل لتمسح دمعة توشك أن تسقط من العين التي رسمت..
هو إحساس تنقله خطوطك بينما لسانك عنه معقود.. وأحلام مستحيلة تجعلها فرشاتك حقيقة.. وأفق قد لا تتسع له ألف صورة غير التي خطتها أناملك..
متعة مزج الألوان.. والسهر بصحبتها.. وفرحة إتمام قطعتك كما أردت..
ثم راحة كل روح تعبر عليها بإحساسها قبل عينها..
و راحتك كلما طالعتها ؛ حتى وإن بدت للعابرين محض لوحة على جدار !!
♡

إليكي يا حب المآقي والقلوب..

بداخلك طفلتي آمال
مخاوف
أفكار
وبقلبك أحلام كثيرة
تظنين أنك تجيدين إخفاء مشاعرك ،، وتتقنين كتم خواطرك ،،
تكبرين ف تكبر معك
اه من قلبك الغض الذي يفيض حبا حتى يجعلك دوما تدمعين في فرح وفي حزن..
واه من ضمتك وتعلقك الغير مسبوق بإنذار بيدي حينما ينتابك شعور ما.. قد تعجزين عن وصفه أو حتى فهمه..
لكن ضمتك والتصاقك بي..
ونظراتك..
وحتى أنفاسك واختلاجات قلبك، ،
كلها تحكي عنك إلي

تنمو شجيرات الحب بداخل روحك ،،
وينمو احتياجك إلى من يرويها ..
يكبر خيالك وأنا هنا..
أراقب من بعيد سحابات تغدو وتروح..
حزن . فقد . قلق . اعجاب . اشتياق . بغض . جرح . حنين

وددت لو كان بيدي أن امزق قلبي قطعا وأعطي قلبك مني بعضا فتشعرين بأمان..
وددت لو أنني حاكيتك أكثر..
ووضعت يديك بداخل كفي لوقت أطول..
وضممتك بين أضلعي بقوة أكبر
لأزيل ما بمشاعرك وخاطرك

أنا هنا..
تماما بخارجك..
بداخلك..
بجوارك..
يا بضعة من جسدي يسري بعروقها دمي..
يا حبا حائرا يبحث عن حصن يخفيه.. وقلب يحويه..
يا قلبا من ورد وعطر ونور..
لا تصدقي قسوتي يوما.. ولا تستمعي لجفاوتي أبدا
ولا يهمنك صمتي..
فأنت همي وفرحي وحزني..
وأنت قلبي الغض الجديد الذي أرجو أن أبقيه بعيدا عن تفاهات وسخافات وجراح بني البشر
....

#أنا